作词：谢家铭
作曲：陈纬伦
写一条无情的歌 每一段刻你的名
感情若起变化 多情人尚心疼
痛苦拢我来担
唱一条无味的歌 每一句刺扎心肝
缘份若走到这 你不免亏欠啥
无爱就作你行
无情歌唱甲无声唱出孤单的心晟
再会憨憨为你痴情等待的牵挂
甘讲是天注定 月娘你甘知影
为何心酸酸安怎哭无声 (*这无情无味伤心歌)
写一条无情的歌
乎寂寞陪阮作阵行~
------------------------------------------
7443/《无情歌》Bô-tsîng Kua
秀兰玛雅Showlen Maya
写一条无情的歌
siá tsi̍t-tiâu bô-tsîng ê kua
每一段刻你的名
muí tsi̍t-tuānn khik lí ê miâ
感情若起变化
kám-tsîng nā khí piàn-huà
多情人上心疼
to-tsîng-lâng siōng sim thiànn
痛苦拢我来担
thòng-khóo lóng guá lâi tann
唱一条无味的歌
tshiùnn tsi̍t-tiâu bô-bī ê kua
每一句刺凿心肝
muí tsi̍t-kù tshì-tsha̍k sim-kuann
缘份若行到遮
iân-hūn nā kiânn kàu tsia
你毋免亏欠啥
lí m̄-bián khui-khiàm siánn
无爱就做你行
bô-ài tiō tsuè lí kiânn
无情歌唱甲无声
bô-tsîng kua tshiùnn kah bô-siann
唱出孤单的心情
tshiùnn-tshut koo-tuann ê sim-tsiânn
再会
tsài-huē
戆戆为你痴情
gōng-gōng uī lí tshi-tsîng
等待的牵挂
tán-thāi ê khian-kuà
敢讲是天注定
kám-kóng sī thinn tsù-tiānn
月娘你敢知影
gue̍h-niû lí kám tsai-iánn
为何心酸酸
uī-hô sim sng-sng
按怎哭无声
án-tsuánn khàu bô-siann
写一条无情的歌
siá tsi̍t-tiâu bô-tsîng ê kua
予寂寞
hōo tsi̍k-bo̍k
陪阮做阵行
puê gún tsuè-tīn kiânn
---
这无情无味伤心歌
tse bô-tsîng bô-bī siong-sim kua
写一条无情的歌
siá tsi̍t-tiâu bô-tsîng ê kua
予寂寞
hōo tsi̍k-bo̍k
陪阮做阵行
puê gún tsuè-tīn kiânn
无情歌