做場子

夜到出來做場子，每天出來做場子
尋好幾個老搭子，一道出來做場子
不管酒吧餐廳還是夜總會
裁（都）要阿拉來做場子
一個夜到做四個鐘頭
阿拉出來做場子

夜到出來做場子，拎好家桑（傢伙）出來做場子
要是順路就拼部車子，一道出來做場子
不管流行爵士還是布魯斯
儂想听啥就報個名字
從五點半做到九點半
阿拉出來做場子

夜到出來做場子，混口飯吃就要做場子
還是阿拉幾個老搭子，一道出來做場子
不管儂吃燒烤壽司還是鮑魚魚翅
阿拉不落半滴饞唾水
辰光一道別轉屁股就跑
阿拉出來做場子

夜到出來做場子，沒啥意思阿哈（也）要做場子
要么再調（換）幾個新搭子，一道出來做場子
不管下頭是大人小人還是老頭子
衲開不開心管我屁事
做好場子回去看電視
阿拉出來做場子

從金茂大廈做到金錢豹
啥人看到阿拉不叫聲“大師”
搞音樂就要搞出點花露水
否則哪能（怎麼）對得起“大師”兩個字

夜到出來做場子，捉牢機會就要做場子
現在生意不像老底子（以前），有的做儂就伐要再挑三揀四
不管商場促銷還是紅白喜事
只要儂肯多付紅票子
一個夜到做四個鐘頭
阿拉出來做場子
從五點半做到九點半
阿拉出來做場子
阿拉出來做場子
阿拉出來做場子