思念故鄉的情人

看見著彼平山嶺故鄉鳥隻飛過來
那親像彼個姑娘叫我卡緊回返去
忍抹住熱情珠淚滴落異鄉的河邊
初戀的綿綿情意引我來思念彼時
故鄉心愛的彼個人

看見著遙遠彼平情侶坐在草埔邊
怎樣我孤單一個站在他鄉心稀微
忍抹住滿腫悶孤鳥伴我無聊時
一時來茫茫想起等何時才會相會
故鄉心愛的彼個人

看見著青翠山崙白雲飄來又飄去
那親像我的身軀一直流浪他鄉里
想彼時為得前途跳出可愛的故鄉
希望你快樂心情期待著相會日子
故鄉心愛的彼個人

--- ---------------------------------------

《思念故鄉的情人》Su-liām Kòo-hiong ê Tsîng-jîn
黃三元N̂g Sam-guân

看見著彼爿山嶺
khuànn-kìnn tio̍h hit-pîng suann-niá
故鄉鳥隻飛過來
kòo-hiong tsiáu-tsiah pe kè--lâi
若親像彼個姑娘
ná-tshin-tshiūnn hit ê koo-niû
叫我較緊倒轉去
kiò guá khah-kín tò-tńg--khì
忍袂住熱情珠淚
jím bē-tsū jia̍t-tsîng tsu-luī
滴落異鄉的河邊
tih lo̍h ī-hiong ê hô-pinn
初戀的綿綿情意
tshoo-luân ê mî-mî tsîng-ì
引我來思念彼時
ín guá lâi su-liām hit-sî
故鄉心愛彼個人
kòo-hiong sim-ài hit ê lâng

看見著遙遠彼爿
khuànn-kìnn tio̍h iâu-uán hit-pîng
情侶坐在草埔邊
tsîng -lī tsē tsāi tsháu-poo pinn
怎樣我孤單一個
tsuánn-iūnn guá koo-tuann tsi̍t-ê
踮在他鄉心稀微
tiàm-tsāi thann-hiong sim hi-bî
忍袂住滿腹憂悶
jím bē-tsū muá-pak iu-būn
孤鳥伴我無聊時
koo-tsiáu phuānn guá bô-liâu-sî
一時來茫茫想起
tsi̍t-sî lâi bâng-bâng siūnn-khí
等何時才會相會
tán hô-sî tsiah ē siong-huē
故鄉心愛彼個人
kòo-hiong sim- ài hit ê lâng

看見著青翠山崙
khuànn-kìnn tio̍h tshinn-tshuì suann-lūn
白雲飄來又飄去
pe̍h-hûn phiau lâi iū phiau khì
若親像我的身軀
ná-tshin-tshiūnn guá ê sin-khu
一直流浪他鄉里
it-ti̍t liû-lōng thann-hiong-lí
想彼時為著前途
siūnn hit-sî uī-tio̍h tsiân-tôo
跳出可愛的故鄉
thiàu tshut khó-ài ê kòo-hiong
希望你快樂心情
hi-bāng lí khuài-lo̍k sim -tsîng
期待著相會日子
kî-thāi tio̍h siong-huē ji̍t-tsí
故鄉心愛彼個人
kòo-hiong sim-ài hit ê lâng