一摆搁一摆

心内事无人知，为何无人通了解
不幸的代志一摆搁一摆
为怎样命运这呢歹

明知阮是你的人，为何搁去找别人
阮每日为你哭甲目眶红，甘讲你的心祙动

违背阮的心，欺骗阮的情，耽误著阮的青春
无情的风台吹着阮的心头冷
如今一切怨叹什路用

千不该万不该对你献出阮的爱
从今后不再为你流目屎创造自己的将来

------------------------------------------

《一摆阁一摆》Tsi̍t-pái Koh Tsi̍t-pái
赵倍誉Tiō Puē-ū

心内事啥人知
sim-lāi sū siánn-lâng tsai
为何无人通了解
uī-hô bô-lâng thang liáu-kái
不幸的代志
put-hīng ê tāi-tsì
一摆阁一摆
tsi̍t-pái koh tsi̍t-pái
为怎样
uī-tsuánn-iūnn
命运遮尔歹
miā-ūn tsiah-nī phái

明知阮是你的人
bîng-tsai gún sī lí ê lâng
为何阁去揣别人
uī-hô koh khì tshuē pa̍t-lâng
阮每日为你
gún muí-ji̍t uī lí
哭甲目箍红
khàu kah ba̍k-khoo âng
敢讲你的心袂动
kám-kóng lí ê sim buē tāng

违背阮的心
uî-puē gún ê sim
欺骗阮的情
khi-phiàn gún ê tsîng
耽误著阮的青春
tam-gōo tio̍h gún ê tshing-tshun
无情的风台
bô-tsîng ê hong-thai
吹着阮的心头冷
tshue tio̍h gún ê sim-thâu líng
如今一切
jû-kim it-tshè
怨叹啥路用
uàn-thàn siánn lōo-īng

千不该万不该
tshian put-kai bān put-kai
对你献出阮的爱
tuì lí hiàn-tshut gún ê ài
从今后
tsiông-kim-āu
不再为你流目屎
put-tsài uī lí lâu ba̍k-sái
创造自己的将来
tshòng-tsō tsū-kí ê tsiong-lâi