作词：黄谦
作曲：黄谦/王尚宏
假使你我两人还有来世 敢会继续搁来作伙
我的心惊寒我的心疼痛 明知一直乎你欺骗当作不知影
不知是阮不愿来看破 还是红颜薄命天注定
月娘也有天星作伴 孤孤单单犹原是我
约束的话 犹原放置心肝 伤心的话不愿讲乎人来听
有缘无份 有缘无份是你是我
约束的话 换来一场暝梦 我甘搁要惦这一直等
约束归约束 环境造成你是你我是我
------------------------------------------
《约束》Iok-sok
孙淑媚Sun Siok-bī
假使你我两人犹有来世
ká-sú lí guá nn̄g-lâng iáu-ū lâi-sè
敢会继续阁来做伙
kám ē kè-sio̍k koh lâi tsuè-hué
我的心惊寒
guá ê sim kiann-kuânn
我的心痛疼
guá ê sim thàng-thiànn
明知一直予你欺骗
bîng-tsai it-ti̍t hōo lí khi-phiàn
当做毋知影
tòng-tsuè m̄ tsai-iánn
毋知是阮毋愿来看破
m̄-tsai sī gún m̄-guān lâi khuànn-phuà
抑是红颜薄命天注定
ia̍h-sī hông-gân po̍k-bīng thinn tsù-tiānn
月娘也有天星做伴
gue̍h-niû iā ū thinn-tshinn tsuè-phuānn
孤孤单单犹原是我
koo-koo-tuann-tuann iu-guân sī guá
约束的话
iok-sok ê uē
犹原囥伫心肝
iu-guân khǹg tī sim-kuann
伤心的话
siong-sim ê uē
毋愿讲予人来听
m̄-guān kóng hōo-lâng lâi thiann
有缘无份
ū-iân bô-hūn
有缘无份是你是我
ū-iân bô-hūn sī lí sī guá
约束的话
iok-sok ê uē
换来一场眠梦
uānn lâi tsi̍t-tiûnn bîn-bāng
我敢阁欲踮遮一直等
guá kám koh beh tiàm tsia it-ti̍t tán
约束归约束
iok-sok kui iok-sok
环境造成了
khuân-kíng tsō-sîng liáu
你是你
lí sī lí
我是我
guá sī guá
约束