ངའི་མིང་ལ་ཀ་ཁ་ག་ང་ཟེར།
ཚིག ཏཱ་ནི་ཆོས་གྲགས་ཀྱི་ཚིག
ཉི་མའི་བུ་རྒྱུད་ཀྱི་དབྱངས།
ནམ་མཁས་བླངས།
ངའི་མིང་ལ་ཀ་ཁ་ག་ང་ཟེར།།
ང་ཀ་ཁ་བསམ་པའི་དོན་གྲུབ་ཡིན།།
ཁྱེད་ཀ་ཁ་སློབ་དང་རྒྱལ་ཁ་ཡོད།།
ང་ཀ་ཁ་ཡིད་བཞིན་ནོར་བུ་ཡིན།།
ང་ཀ་ཁ་གངས་ཅན་གཅེས་ནོར་ཡིན།།
ང་ཀ་ཁ་ཡ་ཐོད་མིག་ཟུང་འདྲ།།
མིག་ཁྲ་རིལ་བཞིན་དུ་བདག་སྐྱོང་བྱོས།།
མིག་མེད་ན་མི་ལུས་ཕྱེད་ཀ་རེད།།
ང་ཀ་ཁ་དུང་སོ་སུམ་བཅུ་ཡིན།།
སོ་མེད་ན་བརྒྱད་ཅུའི་རྒན་པོ་འདྲ།།
ཟས་ཞིམ་པོའི་བྲོ་བཅུད་མི་ལོན་གི།
དཔེ་དེ་བཞིན་ཀ་ཁ་སྲུང་སྐྱོབ་བྱོས།
སྤྱིར་འཇིག་རྟེན་མྱ་ངམ་ཐང་ཆེན་འདྲ།།
ནང་སློབ་གསོ་བདུད་རྩིའི་སྐྱེམས་ཆང་འདྲ།།
རང་ཀ་ཁའི་སློབ་གསོ་མ་ཉམས་ན།།
ཡུལ་གངས་ཅན་དགེ་པའི་གནས་མཆོག་རེད།།
-
藏文母字