作词：李子恒
作曲：李子恒
细汉的梦是一区番薯园 有春天也有风霜
番薯的心是这呢软 愈艰苦愈鳌生存
故乡的情是一滴番薯乳 尚难洗啊尚久长
番薯的根是这呢深 愈掘愈大贯尚好种
感情埋土下 孤单青春没人问
梦乡穿砲弹 满山的番薯藤切勿会断
阮是吃番薯大汉的金门子 黄种白仁心赤赤
咱是靠番薯生活来疼生命 著爱一代一代传过一代听
------------------------------------------
《番薯情》Han-tsîr Tsîng
李子恒 Lí Tsír-hîng
细汉的梦
suè-hàn ê bāng
是一坵番薯园
sī tsi̍t-khu han-tsîr hn̂g
有春天也有风霜
ū tshun-thinn iā ū hong-sng
番薯的心是遮尔软
han-tsîr ê sim sī tsiah-nī nńg
愈艰苦愈𠢕生存
jú kan-khóo jú gâu sing-tsûn
故乡的情
kòo-hiong ê tsîng
是一滴番薯奶
sī tsi̍t-tih han-tsîr-ling
上歹洗也上久长
siōng phái sué iā siōng kú-tn̂g
番薯的根是遮尔深
han-tsîr ê kirn sī tsiah-nī tshim
愈掘愈大捾上好种
jú ku̍t jú tuā-kuānn siōng-hó tsìng
感情埋涂跤
kám-tsîng tâi thôo-kha
孤单青春无人问
koo-tuann tshing-tshun bô-lâng mn̄g
梦乡穿砲弹
bāng-hiong tshng phàu-tuânn
满山的番薯藤
muá-suann ê han-tsîr-tîn
切袂断
tshiat buē tn̄g
阮是食番薯大汉的金门子
gún sī tsia̍h han-tsîr tuā-hàn ê Kim-mn̂g-kiánn
黄种白仁心赤赤
n̂g-tsíng pe̍h-jîn sim tshiah-tshiah
咱是靠番薯生活
lán sī khò han-tsîr sing-ua̍h
来疼性命
lâi thiànn sìnn-miā
著爱一代一代
tio̍h-ài tsi̍t-tāi tsi̍t-tāi
传过一代听
thuân kèr tsi̍t-tāi thiann
番薯情