槟榔西施

阮兜的巷仔口有一間檳榔店　賣檳榔的姑娘仔穿衫是有夠涼
有人哈甲欲死　有人看甲生目針　有人是罵甲有夠累
阮兜的巷仔口有一間檳榔店　賣檳榔的姑娘仔社會還無經驗
伊攏不捌表示　是歡喜還生氣　只是認真做生意
因的看板是足大字　因的電火是閃閃爍爍
伊摎的檳榔　有浸過漂白水　大家攏叫伊　是檳榔的西施
哺檳榔是歹禁止　不是最近才拄開始　檳榔店開滿滿是　攏無人來定規矩
歸工批抨檳榔西施　大家講話要照道理　不通選舉就愛甲死死
若上電視罵甲會牽絲
好心的人就照情理　趕緊立法來管理
阮兜的巷仔口有一間檳榔店　賣檳榔的姑娘仔有真濟人肖念 不管大官虎還是司機運將　伊的服務都相像
阮兜的巷仔口有一間檳榔店　阮這的管區的常常攏會來臨檢
厝邊頭尾大家激甲惦惦惦　伊找無門路通好閃
伊也超過法定的年紀　伊是上班為著欲賺錢
管區的你無閒趕緊做你去　伊也無做歹代誌　你不通擱再加懷疑
伊講伊畢業了後出外來賺錢　因為現代新新人類攏嘛靠自已
做歌星愛等運氣　做公主會出代誌
做小妹是相少錢　速食店又擱累甲欲死
賣檳榔是不得已　誰叫我生做彼呢美
阮兜的巷仔口有一間檳榔店　賣檳榔的姑娘仔穿衫是有夠涼
你若來買一百　擱加送你兩粒　哺了你會真思念
因的看板是足大字　因的電火是閃閃爍爍
不管南北二路　因攏有分公司　大家攏叫伊　是檳榔的西施