偏偏来想你

深夜茫雾罩四边，秋风微微带悲意，
心爱的人无看见，心酸目屎滴，
那无父母来阻止，今日也未来分离，
为怎样思念你，情丝断未离，
明知未冻来做堆，偏偏来想你。

时刻已经到三更，夜风拵拵冷支支，
心爱的人来分开，归暝困未去，
窗外雨水滴未离，甘是也知阮心意，
来替阮为着你，滴落伤心泪，
明知未得结连理，何必搁想你。

一更过了又一更，心头卡想也是伊，
心爱的人叨位去，找你归落年，
阮是一个苦命女，才著为爱离乡里，
实在是为爱你，乎阮费心机，
明知未通结相随，何必来找你。

《偏偏来想你》Phian-phian Lâi Siūnn-lí
尤雅Iû Ngá

深夜雺雾罩四边
tshim-iā bông-bū tà sì-pinn
秋风微微带悲意
tshiu-hong bî-bî tài pi-ì
心爱的人无看见
sim-ài ê lâng bô khuànn-kìnn
心酸目屎滴
sim-sng ba̍k-sái tih
若无爸母来阻止
nā bô pē-bú lâi tsóo-tsí
今日也袂来分离
kim-ji̍t iā buē lâi hun-lî
为怎样思念你
uī-tsuánn-iūnn su-liām lí
情丝断袂离
tsîng-si tn̄g buē-lī
明知袂当来做堆
bîng-tsai buē-tàng lâi tsuè-tui
偏偏来想你
phian-phian lâi siūnn lí

时刻已经到三更
sî-khik í-king kàu sann-kinn
夜风阵阵冷吱吱
iā-hong tsūn-tsūn líng-ki-ki
心爱的人来分开
sim-ài ê lâng lâi hun-khui
规暝困袂去
kui-mî khùn buē khì
窗外雨水滴袂离
thang-guā hōo-tsuí tih buē-lī
敢是也知阮心意
kám-sī iā tsai gún sim-ì
来替阮
lâi thuè gún
为着你
uī-tio̍h lí
滴落伤心泪
tih lo̍h siong-sim luī
明知袂得结连理
bîng-tsai buē-tit kiat-liân-lí
何必阁想你
hô-pit koh siūnn lí

一更过了又一更
tsi̍t-kinn kè-liáu iū tsi̍t-kinn
心头较想也是伊
sim-thâu khah siūnn iā-sī i
心爱的人佗位去
sim-ài ê lâng tó-uī khì
揣你几若年
tshē lí kú-lō nî
阮是一个苦命女
gún sī tsi̍t-ê khóo-miā lí
才著为爱离乡里
tsiah tio̍h uī ài lî hiunn-lí
实在是为爱你
si̍t-tsāi sī uī ài lí
予阮费心机
hōo gún huì sim-ki
明知袂当结相随
bîng-tsai buē-tàng kiat sio-suî
何必来揣你
hô-pit lâi tshē lí