作词：谢君毅
作曲：罗又华
遥远大海茫茫千里 海风带着野味
这款生活我已惯是 海上好男儿
你敢知我的心内 抱着坚定的意志
随海风随着波浪 漂浪四过去
希望光荣回乡里 欢喜甲你来团圆
月光晚暝店在船顶 弹著吉他解稀微
想起故乡心爱的妳 怀念彼当时
妳讲妳一定等我 叫我不免挂意
我相信咱的心肝 永远分未离
忍耐三年也五冬 辛苦也是为着妳
海风愈大波浪也大 惊险海上的生活
我是勇敢海上男儿 不惊风浪大
我那是寂寞的时 海鸟飞来伴我
我那是想起着妳 就来弹吉他
妳我永远同心肝 期待将来好生活
9488/《海上的男儿》Hái-siōng ê Lâm-jî
洪荣宏Âng Îng-hông
遥远大海
iâu-uán tuā-hái
茫茫千里
bâng-bâng tshian-lí
海风带着野味
hái-hong tuà tio̍h iá-bī
这款生活
tsit khuán sing-ua̍h
我已惯势
guá í kuàn-sì
海上好男儿
hái-siōng hó lâm-jî
你敢知我的心内
lí kám tsai guá ê sim-lāi
抱着坚定的意志
phō tio̍h kian-tīng ê ì-tsì
随海风随着波浪
suî hái-hong suî tio̍h pho-lōng
漂浪四界去
phiau-lōng sì-kuè khì
希望光荣回乡里
hi-bāng kong-îng huê hiong-lí
欢喜佮你来团圆
huann-hí kah lí lâi thuân-înn
月光暗暝
ge̍h-kng àm-mî
踮在船顶
tiàm-tsāi tsûn-tíng
弹著吉他解稀微
tuânn tio̍h gì-tah kái hi-bî
想起故乡心爱的你
siūnn-khí kòo-hiong sim-ài ê lí
怀念彼当时
huâi-liām hit-tong-sî
你讲你一定等我
lí kóng lí it-tīng tán guá
叫我毋免挂意
kiò guá m̄-bián kuà-ì
我相信咱的心肝
guá siong-sìn lán ê sim-kuann
永远分袂离
íng-uán hun buē-lī
忍耐三年抑五冬
jím-nāi sann-nî ia̍h gōo-tang
辛苦也是为着你
sin-khóo iā-sī uī-tio̍h lí
海风愈大
hái-hong jú tuā
波浪也大
pho-lōng iā tuā
惊险海上的生活
kiann-hiám hái-siōng ê sing-ua̍h
我是勇敢海上男儿
guá sī ióng-kám hái-siōng lâm-jî
毋惊风浪大
m̄-kiann hong-lōng tuā
我若是寂寞的时
guá nā-sī tsi̍k-bo̍k ê sî
海鸟飞来伴我
hái-tsiáu pue lâi phuānn guá
我若是想起着你
guá nā-sī siūnn-khí tio̍h lí
就来弹吉他
tiō lâi tuânn gì-tah
你我永远仝心肝
lí guá íng-uán kāng sim-kuann
期待将来好生活
kî-thāi tsiong-lâi hó sing-ua̍h
海上的男儿