作詞：黃敏
作曲：黃敏
歹路不可行不可做歹子
父母疼咱那生命不可給伊心疼痛
不可虛榮愛名聲為著前途愛打拼
苦口良言著愛聽歹路千萬不可行
父母辛苦來飼子希望子兒做好子
黑暗江湖拼生命真是給人心疼痛
回頭是岸向前行不可擱再做歹子
看人有錢有名聲不可想講咱歹命
命運不是天注定著愛自己來打拼
暫時失敗不免驚到尾仔才會知輸贏
歹路不可行不可做歹子
6487/《歹路毋通行》Pháinn-lōo M̄-thang Kiânn
洪榮宏Âng Îng-hông
歹路毋通行
pháinn-lōo m̄ -thang kiânn
毋通做歹囝
m̄-thang tsuè-pháinn kiánn
爸母疼咱若性命
pē-bú thiànn lán ná sìnn-miā
毋通予伊心痛疼
m̄-thang hōo i sim thàng-thiànn
毋通虛榮愛名聲
m̄-thang hi-îng ài miâ-siann
為著前途愛拍拼
uī -tio̍h tsiân-tôo ài phah-piànn
苦口良言著愛聽
khóo-kháu liông-giân tio̍h-ài thiann
歹路千萬毋通行
pháinn-lōo tshian-bān m̄- thang kiânn
爸母辛苦來飼囝
pē-bú sin-khóo lâi tshī kiánn
希望囝兒做好囝
hi-bāng kiánn-jî tsuè hó-kiánn
烏暗江湖拼性命
oo-àm kang-ôo piànn-sìnn-miā
真是予人心痛疼
tsin sī hōo-lâng sim thàng-thiànn
回頭是岸向前行
huê-thiô sī-gān hiòng-tsiân kiânn
毋通閣再做歹囝
m̄-thang koh-tsài tsuè-pháinn kiánn
看人有錢有名聲
khuànn- lâng ū-tsînn ū miâ-siann
毋通想講咱歹命
m̄-thang siūnn-kóng lán pháinn-miā
命運毋是天注定
miā-ūn m̄-sī thinn tsù -tiānn
著愛自己來拍拼
tio̍h-ài tsū-kí lâi phah-piànn
暫時失敗毋免驚
tsiām-sî sit-pāi m̄-bián kiann
到尾仔才會知輸贏
kàu bué--á tsiah ē tsai su-iânn
歹路毋通行
pháinn-lōo m̄-thang kiânn
毋通做歹囝
m̄-thang tsuè-pháinn kiánn
歹路不可行