作詞：鄭進德
作曲：蔣舟
編曲：Ewan Den
阮家住日月潭潭水深深是思念思念幾十冬
你家住九龍江江水長長是牽掛牽掛到永遠
你我都是河洛郎聽的是歌仔戲拜的是媽祖
你我都愛聽廣播泡茶來講古點歌送祝福
相會是緣份緣份7 8 3
歡喜情入港快樂愛出帆
相會是緣份緣份7 8 3
人生路有坎坷咱牽手鬥陣走
你我講的是河洛話唐山過台灣
一支草一點露
你我唱的是閩南歌
愛拼才會贏一定要成功
----------- -------------------------------
11116/《緣份783》Iân-hūn Tshit-pat -sam
張文綺Tiunn Bûn-khí
阮兜蹛日月潭
gún tau tuà Ji̍t-gua̍t-thâm
潭水深深是思念
thâm-tsuí tshim-tshim sī su -liām
思念幾十冬
su-liām kuí-tsa̍p tang
你兜蹛九龍江
lí tau tuà Kiú-liông-kang
江水長長是牽掛
kang-tsuí tn̂g-tn̂g sī khian-kuà
牽掛到永遠
khian-kuà kàu íng-uán
你我攏是河洛人
lí guá lóng-sī Hō-ló -lâng
聽的是歌仔戲
thiann--ê sī kua-á-hì
拜的是媽祖
pài--ê sī Má-tsóo
你我攏愛聽廣播
lí guá lóng ài thiann kóng-pòo
泡茶來講古
phàu-tê lâi kóng-kóo
點歌送祝福
tiám-kua sàng tsiok-hok
相會是緣份
siong-huē sī iân-hūn
緣份七八三
iân-hūn tshit-pat-sam
歡喜情入港
huann-hí tsîng ji̍p-káng
快樂愛出帆
khuài-lo̍k ài tshut-phâng
相會是緣份
siong-huē sī iân-hūn
緣份七八三
iân-hūn tshit- pat-sam
人生路有坎坷
jîn-sing-lōo ū khám-khia̍t
咱牽手鬥陣行
lán khan-tshiú tàu-tīn kiânn
---
你我講的是河洛話
lí guá kóng--ê sī Hō-ló-uē
唐山過台灣
Tn̂g-suann kuè Tâi-uân
一枝草一點露
tsi̍t-ki tsháu tsi̍t-tiám lōo
你我唱的是閩南歌
lí guá tshiùnn--ê sī Bân-lâm kua
愛拼才會贏
ài piànn tsiah ē iânn
一定欲成功
it-tīng beh sîng-kong
緣份783