希望麥下雨

愛情的熱度親像焰烈的火爐
我目一下呢著燒到百幾度
愛情的熱度卡使若擱來繼續
我若是要閃呀絕對閃無路
快樂快樂真快樂行著輕鬆的腳步
快樂快樂真快樂內心感覺足幸福
治愛情的這條路希望袸麥下雨
甲阮到幫助甲阮到幫助
基礎才會卡堅顧

----------------------------------------- -

8887/《希望莫落雨》Hi-bāng Mài Lo̍h-hōo
陳百潭Tân Pik-thâm

愛情的熱度
ài-tsîng ê jia̍t-tōo
親像炎熱的火爐
tshin-tshiūnn iām-jua̍h ê hué-lôo
我目一個𥍉
guá ba̍k tsi̍t-ê nih
就燒到百幾度
tiō sio kàu pah-kuí tōo

愛情的熱度
ài-tsîng ê jia̍t-tōo
假使若閣來繼續
ká-sú nā koh lâi kè-sio̍k
我若是欲閃
guá nā-sī beh siám
也絕對閃無路
iā tsua̍t-tuì siám bô-lōo

啊~快樂快樂真快樂
ah~ khuài-lo̍k khuài -lo̍k tsin khuài-lo̍k
行著輕鬆的跤步
kiânn tio̍h khin-sang ê kha-pōo
啊~快樂快樂真快樂
ah~ khuài-lo̍k khuài-lo̍k tsin khuài- lo̍k
內心感覺足幸福
luē-sim kám-kak tsiok hīng-hok

佇愛情的這條路
tī ài-tsîng ê tsit tiâu lōo
希望這陣莫落雨
hi-bāng tsit-tsùn mài lo̍h-hōo
共阮鬥幫助
kā gún tàu pang-tsōo
來鬥幫助
lâi tàu pang-tsōo
基礎才會較堅固
ki-tshóo tsiah ē khah kian-kòo