遠遠看著你

遠遠看妳惦置身邊笑容比花擱卡水
我是真正為妳歡喜一時心內難免空虛

＊陪伴妳的身邊這多年我目睭內只有妳
可惜妳不知我心意不知我塊深深愛妳

＃我只有會凍遠遠來看著妳央望你過著幸福的日子
希望伊會凍保護妳疼惜妳愛你的心永遠袂凍擱提起

△我只有會凍遠遠來看著妳雖然我心肝痛甲強要死
雖然我實在嘸敢將妳放棄只有慢慢將妳放袂記

Repeat ＊,＃,△,＃,△

---------------------------- --------------

8698/《遠遠看著你》Hn̄g-hn̄g Khuànn-tio̍h Lí
李明洋Lí Bîng-iông

遠遠看你踮佇伊身邊
hn̄g-hn̄g khuànn lí tiàm-tī i sin-pinn
笑容比花閣較媠
tshiò-iông pí hue koh-khah suí
我是真正為你歡喜
guá sī tsin-tsiànn uī lí huann-hí
一時心內難免空虛
tsi̍t-sî sim-lāi lân-bián khang-hi

陪伴你的身邊遮濟年
puê-phuānn lí ê sin-pinn tsiah tsuē nî
我目睭內只有你
guá ba̍k-tsiu lāi tsí-ū lí
可惜你毋知我心意
khó-sioh lí m̄-tsai guá sim-ì
毋知我深深咧愛你
m̄-tsai guá tshim-tshim teh ài lí

我只有會當
guá tsí -ū ē-tàng
遠遠來看著你
hn̄g-hn̄g lâi khuànn-tio̍h lí
向望你過著幸福的日子
ǹg-bāng lí kuè tio̍h hīng-hok ê ji̍t -tsí
希望伊會當保護你疼惜你
hi-bāng i ē-tàng pó-hōo lí thiànn-sioh lí
愛你的心
ài lí ê sim
永遠袂閣提起
íng-uán buē koh thê-khí

我只有會當
guá tsí-ū ē-tàng
遠遠來看著你
hn̄g-hn̄g lâi khuànn-tio̍h lí
雖然我心肝
sui-jiân guá sim-kuann
疼甲強欲死
thiànn kah kiōng-beh sí
雖然我實在
sui-jiân guá si̍t-tsāi
毋甘將你放棄
m̄-kam tsiong lí hòng-khì
只有慢慢將你
tsí-ū bān-bān tsiong lí
放袂記
pàng-buē-kì