他鄉的雨

作詞：李克明
作曲：徐嘉良
編曲：徐嘉良

他鄉的雨惦惦在落同款的心情有不同款的結果
故鄉的路留著過去的腳步只是心情抹擱再印落土

無論生活怎樣苦時間應該怎樣渡
跟著生命的腳步找尋著過去的種種

*那是乎我找到出路你的苦我來補
淋著他鄉的風雨一步一步行這條路
期待乎我找到出路對感情有覺悟
離開你是我一生的錯誤

----- -------------------------------------

《他鄉的雨》Thann- hiong ê Hōo
楊宗憲Iûnn Tsong-hiàn

他鄉的雨
thann-hiong ê hōo
恬恬咧落
tiām-tiām teh lo̍h
仝款的心情
kāng-khuán ê sim-tsîng
有無仝款的結果
ū bô kāng-khuán ê kiat-kó
故鄉的路
kòo-hiong ê lōo
留著過去的跤步
lâu tio̍h kuè-khì ê kha-pōo
只是心情袂閣再印落塗
tsí-sī sim-tsîng buē koh-tsài ìn lo̍h-thôo

無論生活怎樣苦
bô-lūn sing-ua̍h tsuánn-iūnn khóo
時間應該怎樣渡
sî-kan ìng-kai tsuánn-iūnn tōo
綴著性命的跤步
tuè tio̍h sìnn-miā ê kha-pōo
走揣著過去的種種
tsáu-tshuē tio̍h kuè-khì ê tsióng-tsióng

若是予我揣著出路
nā-sī hōo guá tshuē-tio̍h tshut-lōo
你的苦我來補
lí ê khóo guá lâi póo
淋著他鄉的風雨
lâm tio̍h thann-hiong ê hong-hōo
一步一步行這條路
tsi̍t-pōo tsi̍t-pōo kiânn tsit tiâu lōo

期待予我揣著出路
kî-thāi hōo guá tshuē-tio̍h tshut-lōo
對感情有覺悟
tuì kám-tsîng ū kak-ngōo
離開你
lī-khui lí
是我一生的錯誤
sī guá it-sing ê tshò-gōo