作詞：吳美慧
作曲：吳美慧
霓虹燈照著阮心頭亂紛紛
自咱熟讖到這陣一直愛甲真安穩
無奈多情的女子將咱的情來打斷
也拆散咱一對鴛鴦的緣份
帶著寶貴的青春妝著滿面的水粉
阮將一生欲交乎你怎樣你半路就放棄
含著目屎作飯吞蓋著寂寞作陣困
思念的夢啊夢袂醒無人疼惜的每一暝
淒冷風提醒阮茫茫的人生要看乎遠
像這款的愛情嘛無久長
------------------------------------ ------
《思念夢袂醒》Su-liām Bāng Bē Tshínn
沈芳如Sím Hong-jû
霓虹燈照著阮
nê-hông-ting tshiō tio̍h gún
心頭亂紛紛
sim-thâu luān hun-hun
自咱熟似到這陣
tsū lán si̍k-sāi kàu tsit-tsūn
一直愛甲真安穩
it-ti̍t ài kah tsin an-ún
無奈多情的女子
bô-nāi to-tsîng ê lú-tsú
將咱的情來拍斷
tsiong lán ê tsîng lâi phah- tn̄g
也拆散
iā thiah-suànn
咱這對鴛鴦的緣份
lán tsit tuì uan-iunn ê iân-hūn
𤆬著寶貴的青春
tshuā tio̍h pó-kuì ê tshing-tshun
妝著滿面的水粉
tsng tio̍h muá-bīn ê tsuí-hún
阮將一生欲交予你
gún tsiong it-sing beh kau hōo lí
怎樣你半路就放棄
tsuánn-iūnn lí puànn-lōo tiō hòng-khì
含著目屎做飯吞
hâm tio̍h ba̍k-sái tsuè pn̄g thun
蓋著寂寞做陣困
kah tio̍h tsi̍k-bo̍k tsuè-tīn khùn
思念的夢啊
su-liām ê bāng--ah
夢袂醒
bāng buē tshínn
無人疼惜的每一暝
bô-lâng thiànn-sioh ê muí tsi̍t-mî
淒冷風提醒阮
tshe-líng hong thê-tshínn gún
茫茫的人生
bâng-bâng ê jîn-sing
愛看予遠
ài khuànn hōo hn̄g
像這款的愛情
tshiūnn tsit khuán ê ài-tsîng
嘛無久長
mā bô kú-tn̂g
思念夢祙醒