一咧人舞步卡自由無用管別人按怎想
隨在阮哪扭我哪唱免在心頭打節結結整球
越頭看家己的目周有人撥袂去的濛霧
不願伸手來問溫柔囤囤整暗自由裝著酒
若酒來拼酒那會醉了面須不親像
我無你有敢著粘著害阮面憂憂
卡多朋友鬥飲自由唱煞頂寂寞家己默默想
望你伸出疼惜的雙手解脫束縛阮的自由
--- ---------------------------------------
7210/《自由自由》Tsū-iû Tsū-iû
謝金燕Siā Kim-iàn
一個人舞步較自由
tsi̍t-ê-lâng bú-pōo khah tsū-iû
毋免管別人按怎想
m̄-bián kuán pa̍t-lâng án-tsuánn siūnn
隨在阮哪扭歌哪唱
suî-tsāi gún ná ngiú kua ná tshiùnn
免咧心頭拍結
bián teh sim-thâu phah-kat
結結規毬
kiat-kiat kui-khiû
越頭看家己的目睭
ua̍t-thâu khuànn ka-kī ê ba̍k- tsiu
有人掰袂開的雺霧
ū-lâng pué buē-khui ê bông-bū
毋願伸手來問溫柔
m̄-guān tshun-tshiú lâi mn̄g un-jiû
囤囤規甕自由準藥酒
tún-tún kui àng tsū-iû tsún io̍h-tsiú
拿酒來拼酒
ná tsiú lâi piànn-tsiú
哪會醉了面腔無親像
ná ē tsuì liáu bīn-tshiunn bô tshan-tshiūnn
啊~我無你有
ah~ guá bô lí ū
敢著黏甲害阮面憂憂
kám tio̍h liâm kah hāi gún bīn iu-iu
較濟朋友鬥啉自由唱
khah tsuē pîng-iú tàu lim tsū-iû tshiùnn
煞陣寂寞家己沐沐泅
suah-tīn tsi̍k-bo̍k ka-tī bo̍k-bo̍k-siû
望你伸出疼惜的雙手
bāng lí tshun-tshut thiànn-sioh ê siang-tshiú
解脫束縛
kái-thuat sok-pa̍k
阮的自由
gún ê tsū-iû
自由！自由？