作詞：陳明瑜
作曲：陳明章
你甲我講講台灣有一個地方會下雪
那個所在是離開這個城市很遠的山頂尾溜
冬天的風那底吹
十領棉尺被嘛蓋未燒
看你安穩睡在阮的夢中
阮這雙初做人的雙手有最大的安慰
台灣有一個所在會下雪
那個所在乎阮愛你在心肝內
台灣有一個所在會下雪
那個所在乎阮惜你在心肝內
----------- -------------------------------
《台灣有一個所在會落雪》Tâi-uân Ū Tsi̍t -ê Sóo-tsāi Ē Lo̍h-seh
潘麗麗Phuann Lē-lē
你共我講
lí kā guá kóng
講台灣
kóng Tâi-uân
有一個所在會落雪
ū tsi̍t-ê sóo-tsāi ē lo̍h-seh
彼個所在
hit ê sóo-tsāi
是離開這個城市
sī lī-khui tsit ê siânn-tshī
真遠的山頂尾溜
tsin hn̄g ê suann-tíng bué-liu
冬天的風若咧吹
tang-thinn ê hong nā teh tshue
十領棉襀被
tsa̍p-niá mî-tsioh-phuē
嘛蓋袂燒
mā kah buē sio
看你安穩困佇阮的夢中
khuànn lí an-ún khùn tī gún ê bāng-tiong
阮這雙初做人的雙手
gún tsit siang tshoo tsò-lâng ê siang-tshiú
有上大的安慰
ū siōng tuā ê an-uì
台灣有一個所在會落雪
Tâi-uân ū tsi̍t-ê sóo-tsāi ē lo̍h-seh
彼個所在
hit ê sóo-tsāi
予阮愛你佇心肝仔內
hōo gún ài lí tī sim-kuann-á-lāi
台灣有一個所在會落雪
tâi-uân ū tsi̍t-ê sóo-tsāi ē lo̍h- seh
彼個所在
hit ê sóo-tsāi
予阮惜你佇心肝仔內
hōo gún sioh lí tī sim-kuann-á-lāi
台灣有一個所在會下雪