灰人

作詞：小克
作曲：周國賢

傷春傷得褲穿窿
悲秋悲得全年胃痛
鬱鬱寡歡落到尖東
愁眉深鎖深到入西貢

前路滿眼勁灰我喊住奉陪
女友仲灰十分之匹配
瞓住灰又午夜夢迴
甦醒我仲灰幾倍

我問你你問我我問你開心點交換
我鬧你你鬧我我鬧你圍住嚟批判
成份報紙太主觀娛樂記者變法官
世事有未知一半

我想兜一圈揾一張入場券
出街兜一圈打鋪機又嫌遠
出差兜一圈仲未著陸話飛機要盤旋

公司兜一圈是但做做完算
屋企兜一圈電視劇又埋怨
都唔轉台我唔要人性主控權

灰人沉溺灰色心態
烏雲籠罩都當帽戴
天生悲觀古怪
想死偏有排費解

其實有個願打就有個就願挨
世界越灰越分黨分派
我受賄就送我名牌
睇准我自卑收買

我問你你問我我問你俾邊位搬弄
我鬧你你鬧我我鬧你由外人操縱
奴隸社會有苦衷人類鬥爭有主凶
宇宙有未知一眾

美洲兜一圈監督一黨元老
歐洲兜一圈綁走幾多人數
中東兜一圈挑起紛爭事端開戰糊塗

飛碟兜一圈芯片植入人腦
身體兜一圈偷走基因元素
星系裡面發現正邪各種企圖

灰人藏身港九新界
豬牛羊器官切走曬
趕走呢班魔怪
卑鄙兼自大化解

就快就快講灰色拜拜
嚟盡快盡快趕灰色出界

橄欖型大眼鼻哥窿迷你
夢見灰人為我冚被

決心兜一圈終於揾到同好
Youtube兜一圈相關短片成套
土豆兜一圈醒一醒字幕組關照效勞

出體兜一圈望望大地慈母
星體兜一圈收到緊急情報
星球引力帶動信念回歸正途

灰人迷失思想板塊
可憐投錯黑暗一帶
小小灰色心債
一體清理埋
七彩點分疆界
正邪會和解