少年的孤單

作詞：蘇兒真
作曲：蘇兒真

少年的孤單無知妳甘知影阮的純情夢望妳作伴
不驚命運來拖要用阮的歌聲唱出我對妳思戀的歌

將妳放在心肝想要乎妳知影天頂的月娘笑阮憨膽
寄乎妳的一張信煞無寫妳的地址無勇氣對妳講出心內的話

甘知影阮少年的孤單無知影妳心內甘有我日日夜夜想妳想攏未煞
甘知影阮少年的孤單無知影妳心內甘有我希望無通變作夢一場

------------------------------ ------------

9609/《少年的孤單》SIàu-liân ê Koo-tuann
孫協志Sun Hia̍p-tsì

少年的孤單
siàu-liân ê koo-tuann
毋知你敢知影
m̄-tsai lí kám tsai-iánn
阮的純情夢
gún ê sûn-tsîng bāng
望你做伴
bāng lí tsuè-phuānn
毋驚命運來拖
m̄-kiann miā-ūn lâi thua
欲用阮的歌聲
beh iōng gún ê kua-siann
唱出我對你思戀的歌
tshiùnn-tshut guá tuì lí su-luân ê kua

將你囥咧心肝
tsiong lí khǹg teh sim-kuann
想欲予你知影
siūnn-beh hōo lí tsai-iánn
天頂的月娘
thinn-tíng ê gue̍h-niû
笑阮戇膽
tshiò gún gōng-tánn
寄予你一張批
kià hōo lí tsi̍t-tiunn phue
煞無寫你的地址
suah bô siá lí ê tē-tsí
無勇氣對你
bô ióng-khì tuì lí
講出心內的話
kóng-tshut sim-lāi ê uē

敢知影阮少年的孤單
kám tsai-iánn gún siàu-liân ê koo-tuann
毋知影你心內敢有我
m̄ tsai-iánn lí sim-lāi kám ū guá
日日夜夜
ji̍t-ji̍t-iā-iā
想你想攏袂煞
siūnn lí siūnn lóng buē-suah
敢知影
kám tsai-iánn
阮少年的孤單
gún siàu-liân ê koo-tuann
毋知影
m̄ tsai -iánn
你心內敢有我
lí sim-lāi kám ū guá
希望毋通變做夢一攤
hi-bāng m̄-thang piàn-tsuè bāng tsi̍t-thuann