三心一意／Ah Lam日記(live)

無法將不羈撲來這份情當贈券
難妄想將心裡頭所知所愛瞞住
三個人追踪眼前這份緣轉又轉
情愛中混了苦辣甜酸
緣份飄至難預見
人在海角中偶然遇
緣份流散誰預見
明日天氣是晴是雨
一個夢已難預算
三個夢更千倍凌亂
如咖啡鴛鴦奶茶氹氹轉
點決定哪一杯熱暖
顛三倒四思想錯亂
這個片段是情是怨
三心一意加點困倦
這個結局是寒是暖

一於努力一於努力換個對象
一於記住一於記住創新方向
一於努力一於努力留下印象
一於記住一於記住每天向前望

今日我就想同大家講嚇耶穌
你未必鍾意聽不過聽咗好過冇
我知道你地好多個都諗過掟煲
不過聽咗呢只歌你一定冇咁風騷
無論你同你個愛人玩咗幾耐
你地一定會有足夠理由繼續相愛
以下幾段野系我最近嘅獨白
如果你係有心听就唔好走開

你問我那日中午那陣去邊度
我話乜你咁鬼八你想剃我撇須
我本人鍾意去邊度就去咗邊度
你試嚇再問我我就發起牢騷
你一日八過一日你一朝愣過一朝
淨系識聽林子祥唱愛到發燒
我叫咗你去學啲比較有用啲嘅野
你就日日坐系regent 由天光入到夜

一講到你自己就懶咁神秘
問多你兩句你就指天罵地
你最怕被人知道去邊度飛
我服你真係服到你五體投地
我唔係怕一萬隻系怕萬一
我跟咗你咁耐只係得番一個吉
我講咗咁耐人知唔知我up乜
我唔係話你醜樣只係話你核突

尋晚你又知唔知道我去咗邊度
我一個傻佬自己走去紅勘睇show
坐系我隔離系一個單身美女
到我同佢講多句就知道有路
我date咗佢幾日就覺得佢老土
虐待我就十足好似報仇咁報
我多謝天主上帝令我而家知道
世上幾千萬人都係你喺最好