西廂記之拷紅

張生確瀟灑兼風流文學雅
白：張生真係好好才學架
講出冇花假真係架我並冇相誇
白：張公子呀真係嫁得過架

全系我諸多鬼馬來代替他人傳話
攪成咁哩嗱哎吔打我就會心驚怕咯
哎吔心驚怕亂如麻我代人遞信做到我成日怕咯
驚識穿會被拷打紅娘為人做事無代價架心都化咯
佢必定向奴盤問與細查奴奴真係怕
白：哎吔夫人叫添

老夫人呀你休怨休怪紅娘
我小姐並非錯張生亦非錯
錯者倒是你嫌貧重富悔婚反成禍
如果問底尋根你卻為什麼平白
無賴將婚約撕破把秀才恩義埋沒囉
我問你可知過呀老夫人呀上有青天啵

念他兩個情真意厚琴瑟早諧和
什么妹妹拜哥哥又豈是你得間阻
又豈用我去奔波你成全就算囉
米已成飯就該收火盼今日撮好事
許他結絲纙你莫莫莫喝拉喝鎖
講到經官送府有三不可

嗱一則自損家聲後悔多二則小姐終身會無結果
三三則照理論理呀你處處犯錯呀
問心有愧負恩背義賺惹人笑呵呵
想張生飽學今科高中對你家聲都有幫助
可喜可賀天作之合好不過
老夫人休再從旁作梗似石盤陀
可知王母娘娘也禁不住織女渡銀河