我是你的伴

作詞：李岩修
作曲：徐嘉良

替你唱這首歌一字一句斟酌聽
感情是永遠放抹落的心痛

常常三更到暝半一陣雷聲偎心肝
續來的痛無邊無岸

你問我是你的啥我講我是你的伴
講好後半世人甲你作夥拼

你問我是你的啥我講我是你的伴
所有一切咱攏一人擔一半

毛毛雨落抹煞我會站惦你後壁
陪你一路慢慢行

------------------------------------------

8742/《我是你的伴》Guá Sī Lí ê Phuānn
阿吉仔A-kiat--á

替你唱這首歌
thè lí tshiùnn tsit siú kua
一字一句斟酌聽
tsi̍t-jī tsi̍t-kù tsim-tsiok thiann
感情是
kám-tsîng sī
永遠放袂落的心疼
íng- uán pàng buē-lo̍h ê sim-thiànn
常常三更到暝半
siông-siông sann-kinn kàu mî-puànn
一陣雷聲揻心肝
tsi̍t-tsūn luî siann ui sim- kuann
紲落的疼
suà-lo̍h ê thiànn
無邊無岸
bô-pinn bô-huānn

你問我是你的啥
lí mn̄g guá sī lí ê siánn
我講我是你的伴
guá kóng guá sī lí ê phuānn
講好後半世人
kóng-hó āu puànn-sì-lâng
佮你做夥拼
kah lí tsuè-hué piànn
你問我是你的啥
lí mn̄g guá sī lí ê siánn
我講我是你的伴
guá kóng guá sī lí ê phuānn
所有一切
sóo-ū it-tshè
咱攏一人擔一半
lán lóng tsi̍t-lâng tann tsi̍t-puànn

毛毛雨落袂煞
mn̂g- mn̂g-hōo lo̍h buē-suah
我會徛踮你後壁
guá ē khiā tiàm lí āu-piah
陪你一路慢慢行
puê lí tsi̍t-lōo bān-bān kiânn