作詞：王登雄
作曲：王登雄
輕輕飛入你夢內輕輕走入你的愛
我在半醒半夢夢中的世界甲妳談情說愛
輕輕畫你的目眉輕輕牽你的雙手
宛然雙人醉在甜蜜的情海分分秒秒真自在
今夜飛出你夢內今夜行出你的愛
才知情海已經起風颱
不管你知也不知不管你愛也不愛
你永遠是阮最愛
是緣份來破害是風吹斷咱的愛
忍受千萬感慨夜夜期待
期待相逢在夢內
-------------------------- ----------------
12134/《夢中的愛》Bāng-tiong ê Ài
韓寶儀Hân Pó-gî
輕輕飛入你夢內
khin-khin pue ji̍p lí bāng-lāi
輕輕行入你的愛
khin-khin kiânn-ji̍p lí ê ài
我在半醒半夢
guá tsāi puānn-tshínn puānn-bāng
夢中的世界
bāng-tiong ê sè-kài
佮你談情說愛
kah lí tâm-tsîng sueh-ài
輕輕畫你的目眉
khin-khin uē lí ê ba̍k-bâi
輕輕牽你的雙手
khin-khin khan lí ê siang-tshiú
宛然雙人
uán-jiân siang-lâng
醉在甜蜜的情海
tsuì tsāi tinn-bi̍t ê tsîng-hái
分分秒秒真自在
hun-hun bió-bió tsin tsū-tsāi
今夜飛出你夢內
kim-iā pue tshut lí bāng-lāi
今夜行出你的愛
kim-iā kiânn tshut lí ê ài
才知情海
tsiah tsai tsîng-hái
已經起風颱
í-king khí hong-thai
毋管你知抑毋知
m̄-kuán lí tsai ia̍h m̄-tsai
毋管你愛抑無愛
m̄-kuán lí ài ia̍h bô-ài
你永遠是阮最愛
lí íng-uán sī gún tsuè ài
是緣份來破害
sī iân-hūn lâi phò-hāi
是風吹斷咱的愛
sī hong tshue-tn̄g lán ê ài
忍受千萬感慨
jím-siū tshian-bān kám -khài
夜夜期待
iā-iā kî-thāi
期待相逢在夢內
kî-thāi siong-hông tsāi bāng-lāi
夢中的愛