朱買臣之迫寫分書

作詞：佚名
作曲：古曲
編曲：李章明

女：我錯嫁買臣嘆倒運滿心苦困
佢兩餐都不繼自稱君子樂貧
我最怕挨窮心真不甘嘅
我暗地裡結識情郎立心改嫁別人
女白：哈個只咁嘅朱買臣呀斬柴斬到日頭落崗都味''懶' ' 返嚟嘅
一陣間佢返嚟呢我就要迫佢同我離婚至得

男：真係悲失運二豎侵今朝我重發緊冷
帶病入山行不幸我家有一個蠻妻
可嘆佢難安份只知把虛榮貪慕不知所謂淑婦安貧
真個是柴米夫妻事事要強為啞忍

女白：哈乜你捨得''懶'' 返嚟啦咩
男白：阿如花我今日唔知點解
上山斬柴覺得沾寒沾凍咁好辛苦呀
你出去執劑藥返嚟煲俾我飲好嗎
女白：哈話之你死啦
男白：哎吔阿花我同你做咗禁耐夫妻
你都唔好咁絕呀你

男：你為何待我咁忍心一旦當路人
女：你寒貧咯男：賒劑藥我飲啫
女：執藥要銀架
男：嘆貧窮在路邊無人問苦煞你良人
女：你個正病壞災瘟更令你妻挨窮受苦困
男：艱辛你要暫強忍
女：我饑饉實惡忍不再受你呃氹
女白：聽住喇宜家有人就俾錢你同我離婚
你究竟應唔應允呀
男白：我呸離婚

男：拒絕錢財難退婚你係如花休變心
你是我嬌妻焉能另再婚嫁夫縱是窮亦要安份
女：你確實養妻都無能重弊過一碌棍鬼願共你挨貧

男：唉不過暫時累你遭苦困終有日大富來臨
女：請問何時你個窮鬼至會轉運我冇咁得閒為你等架
男：妻呀你要想真
女：想去想來都要另配婚