无讲的话

《无讲的话》Bô Kóng ê Uē
林美美 Lîm Bí-bí

想着讲袂出的一句话
siūnn-tio̍h kóng buē tshut ê tsi̍t-kù uē
写伫犹未寄的彼张批
siá tī iáu-buē kià ê hit tiunn phue
看着时间直直飞
khuànn-tio̍h sî-kan ti̍t-ti̍t pue
阁囥伫心肝仔底
koh khǹg tī sim-kuann-á-té

毋是阮的个性惊歹势
m̄-sī gún ê kò-sìng kiann pháinn-sè
毋是对你的爱出问题
m̄-sī tuì lí ê ài tshut-būn-tê
恐惊这款心内话
khióng-kiann tsit khuán sim-lāi uē
愈讲就愈假
jú kóng tiō jú ké

双人若来行仝齐
siang-lâng nā lâi kiânn kāng-tsê
毋免咒誓也坦白
m̄-bián tsiù-tsuā iā thán-pe̍h
若是决心来反背
nā-sī kuat-sim lâi huán-puē
金山银山
kim-suann gîn-suann
袂当挽回
buē-tàng bán-huê

双人若来行仝齐
siang-lâng nā lâi kiânn kāng-tsê
毋免计较袂怨戚
m̄-bián kè-kàu buē uàn-tsheh
若是注定是你的
nā-sī tsù-tiānn sī lí ê
爱你偌济
ài lí guā-tsuē
就免后悔
tiō bián hiō-hué