做我的目睛

作词：李岩修
作曲：李岩修

如果我有碌用的目睛 就免猜你的模样
不免想天顶的云会怎样 鱼仔按怎游

如果我有看有的目睛 就免猜你的感受
不免想月娘的月光有多柔 牵有妳的手

春天花 秋夜飞 冬天的雪那呢阿白
月娘圆 日头猛 含笑的面容歹势

你像我的目睛 替我探索世界宇宙
美丽的四季变怎样 厝瓦的燕仔做几个巢

你像我的目睛 带我看尽悲欢哀愁
人生的色水有几样 一生的情缘牵一双手

------------------------------------------

《做我的目睭》Tsò Guá ê Ba̍k-tsiu
蒲庭龙Pôo Tîng-liông

如果我有路用的目睭
jû-kó guá ū lōo-īng ê ba̍k-tsiu
就免臆你的模样
tiō bián ioh lí ê bôo-iūnn
毋免想
m̄-bián siūnn
天顶的云会变怎样
thinn-tíng ê hûn ē tsuánn-iūnn
鱼仔按怎泅
hî-á án-tsuánn siû

如果我有看有的目睭
jû-kó guá ū khuànn-ū ê ba̍k-tsiu
就免臆你的感受
tiō bián ioh lí ê kám-siū
毋免想
m̄-bián siūnn
月娘的月光有偌柔
gue̍h-niû ê gue̍h-kng ū guā jiû
牵有你的手
khan ū lí ê tshiú

春天花秋夜飞
tshun-thinn hue tshiu-iā pue
冬天的雪遐尔仔白
tang-thinn ê seh hiah-nī-á pe̍h
月娘圆日头猛
gue̍h-niû înn ji̍t-thâu bíng
含笑的面容歹势
hâm tshiò ê bīn-iông pháinn-sè

你像我的目睭
lí tshiūnn guá ê ba̍k-tsiu
替我探索世界宇宙
thè guá thàm-soh sè-kài ú-tiū
美丽的四季变怎样
bí-lē ê sù-kuì piàn tsuánn-iūnn
厝瓦的燕仔做几个岫
tshù-hiā ê ìnn-á tsuè kuí ê siū

你像我的目睭
lí tshiūnn guá ê ba̍k-tsiu
𤆬我看尽悲欢哀愁
tshuā guá khuànn tsīn pi-huan ai-tshiû
人生的色水有几样
jîn-sing ê siak-tsuí ū kuí iūnn
一生的情缘牵一双手
it-sing ê tsîng-iân khan tsi̍t-siang-tshiú