做我的目睛

作詞：李岩修
作曲：李岩修

如果我有碌用的目睛就免猜你的模樣
不免想天頂的雲會怎樣魚仔按怎遊

如果我有看有的目睛就免猜你的感受
不免想月娘的月光有多柔牽有妳的手

春天花秋夜飛冬天的雪那呢阿白
月娘圓日頭猛含笑的面容歹勢

你像我的目睛替我探索世界宇宙
美麗的四季變怎樣厝瓦的燕仔做幾個巢

你像我的目睛帶我看盡悲歡哀愁
人生的色水有幾樣一生的情緣牽一雙手

----------- -------------------------------

《做我的目睭》Tsò Guá ê Ba̍k-tsiu
蒲庭龍Pôo Tîng-liông

如果我有路用的目睭
jû-kó guá ū lōo-īng ê ba̍k-tsiu
就免臆你的模樣
tiō bián ioh lí ê bôo-iūnn
毋免想
m̄-bián siūnn
天頂的雲會變怎樣
thinn-tíng ê hûn ē tsuánn-iūnn
魚仔按怎泅
hî-á án-tsuánn siû

如果我有看有的目睭
jû-kó guá ū khuànn-ū ê ba̍k-tsiu
就免臆你的感受
tiō bián ioh lí ê kám-siū
毋免想
m̄-bián siūnn
月娘的月光有偌柔
gue̍h-niû ê gue̍h-kng ū guā jiû
牽有你的手
khan ū lí ê tshiú

春天花秋夜飛
tshun-thinn hue tshiu-iā pue
冬天的雪遐爾仔白
tang-thinn ê seh hiah-nī-á pe̍h
月娘圓日頭猛
gue̍h-niû înn ji̍t-thâu bíng
含笑的面容歹勢
hâm tshiò ê bīn-iông pháinn-sè

你像我的目睭
lí tshiūnn guá ê ba̍k-tsiu
替我探索世界宇宙
thè guá thàm-soh sè-kài ú-tiū
美麗的四季變怎樣
bí-lē ê sù-kuì piàn tsuánn-iūnn
厝瓦的燕仔做幾個岫
tshù-hiā ê ìnn-á tsuè kuí ê siū

你像我的目睭
lí tshiūnn guá ê ba̍k-tsiu
𤆬我看盡悲歡哀愁
tshuā guá khuànn tsīn pi-huan ai-tshiû
人生的色水有幾樣
jîn- sing ê siak-tsuí ū kuí iūnn
一生的情緣牽一雙手
it-sing ê tsîng-iân khan tsi̍t-siang-tshiú