行行做状元

作词：武雄
作曲：施文彬

朋友咱大家　撨乎平悬　斗阵是无分　大细汉
人生海海　就爱乐观　有缘无缘　拢不免旋

笑容咱若是　斟予满满　袂输登科来　中状元
趁这嘛气氛　是有够赞　做朋友　大家免手腕

来哦来哦来　maiku攑悬悬　催落催落催　愈唱愈温暖
人生得意需尽欢　我的好朋友　拢嘛无平凡

来哦来哦来　酒杯捧高高　催落催落催　一定真美满
今朝有酒来拍通关　我的好朋友　行行做状元

------------------------------------------

《行行做状元》Hâng-hâng Tsò Tsiōng-guân
施文彬Si Bûn-pin

朋友咱逐家
pîng-iú lán ta̍k-ke
撨予平悬
tshiâu hōo pênn kuân
斗阵是无分大细汉
tàu-tīn sī bô hun tuā sè-hàn
人生海海
jîn-sing hái-hái
著爱乐观
tio̍h-ài lo̍k-kuan
有缘无缘
ū-iân bô-iân
拢毋免旋
lóng m̄-bián suan

笑容咱若是斟予满满
tshiò-iông lán nā-sī thîn hōo buán-buán
袂输登科来中状元
buē-su ting-kho lâi tiòng tsiōng-guân
趁这马气氛是有够赞
thàn tsit-má khì-hun sī ū-kàu tsán
做朋友逐家免手腕
tsuè pîng-iú ta̍k-ke bián tshiú-uánn

来喔来喔来
lâi--ooh lâi--ooh lâi
mài-kuh攑悬悬
mài-kuh gia̍h kuân-kuân
催落催落催
tshui--lo̍h tshui--lo̍h tshui
愈唱愈温暖
jú tshiùnn jú un-luán
人生得意需尽欢
jîn-sing tik-ì su tsīn-huan
我的好朋友
guá ê hó pîng-iú
拢嘛无平凡
lóng-mā bô pîng-huân

来喔来喔来
lâi--ooh lâi--ooh lâi
酒杯捀悬悬
tsiú-pue phâng kuân-kuân
催落催落催
tshui--lo̍h tshui--lo̍h tshui
一定真美满
it-tīng tsin bí-buán
今朝有酒来拍通关
kim-tiau ū tsiú lâi phah-thong-kuan
我的好朋友
guá ê hó-pîng-iú
行行做状元
hâng-hâng tsuè tsiōng-guân