兄弟

志同容易，道合難，交情深淺不應只看認識了多久，兄弟二字也不應隨口而出。
by BAL
茫茫人海之中，能遇到一群可以一齊並肩的老友，雖無血緣關係但是堪比親兄弟，沒有任何的名利捆綁維繫，只有幾蚊雞的玻璃樽裝汽水，只有幾蚊雞的老牌珠江啤酒，仍舊可以促膝長談打鬧，這是多麼的難得。我好感激上天可以讓我遇到你們，嘈過鬧過打過互相嫌棄過但最後都未有分開過，感謝你們，真的很感謝你們！如果真的有下一世，我想繼續遇到你們。
——致西城男孩夾麵筋WestSideBoys
by Lazy
------------------------------- ----
《兄弟》
首發年份：2010
演唱：BAL / Lazy
beat：Cant Forget About You
mixing：熊太
remastering：Winsun
BAL:
做兄弟乜野都冇計
有乜唔開心都可以坐埋一齊
雖然宜家已經各散東西
但係我哋嘅心仍然連喺一齊
記得每個週末飲野剩用幾蚊雞
一晚流流長大家坐喺士多傾計
無論風吹雨打都喺埋同一個位
傾下有關生活嘅問題
邊個又失戀邊個又閉翳
唔使擔心背後仲有我哋呢班兄弟
我哋分享生活嘅一切
呢種感情就好似血緣關係
唔需要用華麗嘅詞語去表達我哋嘅聯繫
四個字心有靈犀
由六七歲玩到甘大個仔
日子過得太多我都唔知點統計
一齊長大一齊學壞一齊學打牌
一齊扮蠱惑仔打橫行曬條街
夏天落力打波唔怕太陽曬
冬天著得少少地私私縮縮走落街
回憶果段日子的確比較愉快
宜家發現光陰難買
兄弟我哋講過艱苦日子要一齊挨
我唔會反口唔會講bye bye
大家要努力唔好比現實打敗
大家要奮鬥唔要失敗
記住兄弟要努力我地大嗌
Brothers never say good bye
Lazy:
雖然問候嘅說話真係冇幾多
但係兄弟感情一樣系咁好都未有改變過
無咗你哋我嘅生活真係好似有D變咗
時間亦都一分一秒不停系咁過
思念嘅情緒繼續繼續系咁不斷增多
少咗你哋嘅日子實在好難過
特別就係夜深人靜嘅時候
感覺就會變得特別難受
你哋幾時先會返嚟再次聚埋一齊走去飲酒
一直飲酒飲到需要摳喉企系路邊果度係甘嘔
嘔到唔知時候唔知係時候需要返去屋企唞
又或者悶到就快發癲一齊坐系護城河邊
抬頭望住個天跟住系度煲煙
講講我哋大個以後嘅明天
冇到煩惱真係快活過神仙
不過宜家好難先會有你哋話咁要點先算
真係好懷念好懷念以前
邊個心煩邊個淒慘邊個需要吹水消磨時間
我哋都會約埋出嚟一齊共度時間
就算有乜困難乜嘢難關
做兄弟嘅一定會企出嚟撐
霖翻起十幾年嚟我哋之間擁有好多友情印記
細個一齊作反唔夠刺激再去撩事鬥非
十幾年嚟我哋大家一齊分甘同味
感受人間冷暖仲有喜怒哀悲
就算個天跌落嚟都可以當系張被
我哋會系一世噶老友記
亦都會系一世噶好知己
兄弟你哋可唔可以快D返嚟
講心果句我真係好掛住你哋
餵~兄弟人生在世實會有好多問題
你哋亦都冇需要閉翳
風雨過後太陽一定會出嚟
千其唔好俾困難打低
越戰越強咁樣先至唔會失禮
苦盡甘來你哋話究竟系唔係
接住落嚟我哋大家都要繼續努力奮鬥
無論發生乜嘢壞事點都唔好俾自己退後
就算以後嘅路再難走都有兄弟陪你直到最後
相信自己俾D勇氣第日你哋就必成大器
唔好輕易放棄最後勝利獲得嘅人
冇錯會系兄弟你哋
一分耕耘一分收穫保證系
絕對永恆嘅道理
可能幼稚嘅字詞冇乜意思
不過希望咁樣
亦都可以幫兄弟點燃~燒起鬥志