黑面

演唱：施文彬、黑面
作詞：武雄
作曲：施文彬
編曲：黃雨勳

古早古早有人講綠島親像一隻船
搖來搖去惦茫茫的海中找尋伊的命運
青色的海水白色的浮雲紅色的黃昏
就親像一張彩色的相片記錄著青春

講著過去我的面就黑一邊
阮兜惦置台東綠島監獄的頭前
監獄的門口有站衛兵監獄的頂面有機關槍
監獄的內底關的人物聽著你會腳尾冷
有史艷文有藏鏡人有怪老子擱有恨世生
青青菜菜叫一個出來把酷攏有夠定

講著我出世阮爸面就黑一棱
仙的有講彼工都好三太子欲上天庭
半瞑來撒種明年若收成保證是一尾龍
結果不知這是啥情形哪會監獄內底吵袂停
熊熊火花去四界彭彭英有人撞破監獄的路燈
阮爸哀一聲哭妖駭囉包公落凡塵

古早古早有人講綠島親像一首歌
唸來唸去一段擱一段故事攏唱袂煞
白色的海湧綠色的田園金色的海岸
炎炎的日頭親像咧曬乾林北有夠熱

自從出世我的面就黑一截
所以鄉親父老兄弟姊妹叫我是黑面的
我是黑稠底不是黑無洗我是黑甲真徹底
我是腳短手短矮罔矮我是真正有才藝
我是oh oh oh 我是yeah yeah yeah
我是more than i can say
我是出世欲來唸歌出世欲來講話出世欲來娛樂大家

啊若講到娛樂我的面就黑一半
這嘛的電視若比古早真正是無夠看
笑話袂止癢咩仔無夠辣場面擱無夠大
若真正內行欲看外場車拼趕緊來找我
樓頂招樓腳阿母招阿爸許效舜招澎恰恰
厝主招厝腳會頭招會腳豬八戒招李哪吒

古早古早有一尊神明人稱是黑面媽
黑面祖師公不免人請家己就會來這
黑面張飛飲到楊桃汁喉嚨攏袂沙聲
有任何的活動需要鬥熱鬧找黑面的上出名……