作詞：洪榮宏
作曲：洪一峰/洪榮宏
編曲：洪敬堯/洪榮宏
想起著遙遠的故鄉我的心強欲飛出去
彼條溪仔邊浮出著一對鴛鴦置些玩水真歡喜
阮細漢到陣的朋友今嘛甘有擱在讀書阿嬤妳有勇健嘸
啊表妹你甘有嫁人祝福恁過著好生活
黃昏的故鄉真正美我的心酸酸又甜甜
隔壁彼間厝時常聽見著阿公惦彼唱歌塊跳舞
阮細漢到陣的朋友同齊騎著鐵馬讀書啊想著真快樂
阿何時通好來見面倒返去可愛的故鄉
有一日月娘真正圓我的妹妹認真欣賞它
她真歡喜講今暝的月娘真美後來才知是一葩電火
阮細漢到陣的朋友今嘛甘有交女朋友啊經過這多年
啊思念故鄉的一切難忘可愛我的故鄉
9437/《我的故鄉》Guá ê Kòo -hiong
洪榮宏Âng Îng-hông
想起著遙遠的故鄉
siūnn-khí tio̍h iâu-uán ê kòo-hiong
我的心強欲飛出去
guá ê sim kiōng-beh pue--tshut-khì
彼條溪仔邊
hit tiâu khue-á-pinn
浮出著一對鴛鴦
phû-tshut tio̍h tsi̍t-tuì uan-iunn
佇遮耍水真歡喜
tī tsia sńg-tsuí tsin huann-hí
阮細漢鬥陣的朋友
gún suè-hàn tàu-tīn ê pîng-iú
這馬敢有閣咧讀書
tsit-má kám ū koh teh tha̍k-tsu
阿媽你有勇健無
a-má lí ū ióng-kiānn--bô
啊~表妹你敢有嫁人
ah~ piáu-muē lí kám ū kè--lâng
祝福恁過著好生活
tsiok-hok lín kuè tio̍h hó sing-ua̍h
黃昏的故鄉真正媠
hông-hun ê kòo-hiong tsin-tsiànn suí
我的心酸酸又甜甜
guá ê sim sng-sng iū tinn-tinn
隔壁彼間厝
keh -piah hit king tshù
時常聽見著
sî-siông thiann-kìnn tio̍h
阿公踮遐唱歌咧跳舞
a-kong tiàm hia tshiùnn-kua teh thiàu-bú
阮細漢鬥陣的朋友
gún suè-hàn tàu-tīn ê pîng-iú
同齊騎著鐵馬讀書
tâng-tsê khiâ tio̍h thih-bé tha̍k-tsu
啊~想著真快樂
ah~ siūnn tio̍h tsin khuài-lo̍k
啊~何時通好來見面
ah~ hô-sî thang-hó lâi kìnn-bīn
倒轉去可愛的故鄉
tò-tńg-khì khó-ài ê kòo-hiong
有一日月娘真正圓
ū-tsi̍t-ji̍t gue̍h-niû tsin-tsiànn înn
我的妹妹認真欣賞伊
guá ê muē-muē jīn-tsin him-sióng i
伊真歡喜講
i tsin huann-hí kóng
今暝的月娘真媠
kim-mî ê gue̍h-niû tsin suí
後來才知是一葩電火
āu--lâi tsiah tsai sī tsi̍t-pha tiān-hué
阮細漢鬥陣的朋友
gún suè-hàn tàu-tīn ê pîng-iú
這馬敢有交女朋友
tsit-má kám ū kau lú-pîng-iú
啊~經過遮濟年
ah~ king-kuè tsiah tsē nî
啊~思念故鄉的一切
ah~ su-liām kòo-hiong ê it-tshè
難忘可愛我的故鄉
lân-bōng khó-ài guá ê kòo-hiong
我的故鄉