愛甲心痛

作詞：謝金燕
作曲：謝金燕

你講出一句傷心話親像是雲黑天在變
雖然你愛阮這呢多你傷到女人心怨嗟

對你癡情無後悔你對阮宛如雲對月
心愛那風箏天在飛切斷咱傷心的緣

怎樣我愛你愛甲心痛想到你孤帆亂心晟
講一聲再會啦無緣的人憂悶的心情誰知影

怎樣我愛你愛甲心痛一個人走甲這孤單
哀怨的音樂聲腳步聲擾亂阮凍心肝

------------------------------------------

12768/ 《愛甲心疼》Ài Kah Sim Thiànn
謝金燕Siā Kim-iàn

你講出一句傷心話
lí kóng-tshut tsi̍t-kù siong-sim uē
親像是
tshin-tshiūnn sī
雲烏天咧變
hûn oo thinn teh piàn
雖然你愛阮遮爾濟
sui-jiân lí ài gún tsiah-nī tsuē
被傷著
pī siong--tio̍h
女人心怨戚
lú-jîn-sim uàn-tsheh

對你癡情無後悔
tuì lí tshi-tsîng bô hiō-hué
你對阮宛如雲對月
lí tuì gún uán-jû hûn tuì gue̍h
心愛若風吹天咧飛
sim-ài ná hong-tshue thinn teh pue
切斷咱傷心的緣
tshiat-tn̄g lán siong-sim ê iân

怎樣我愛你愛到心疼
tsuánn-iūnn guá ài lí ài kah sim thiànn
想著你孤帆亂心情
siūnn-tio̍h lí koo-phâng luān sim-tsiânn
講一聲再會啦
kóng tsi̍t-siann tsài-huē--lah
無緣的人
bô-iân ê lâng
有阮的心情
ū gún ê sim-tsiânn
誰知影
siáng tsai-iánn

怎樣我愛你愛到心疼
tsuánn-iūnn guá ài lí ài kah sim thiànn
一個人行到遮孤單
tsi̍t-ê-lâng kiânn kah tsiah koo-tuann
哀怨的音樂聲跤步聲
ai-uàn ê im-ga̍k-siann kha- pōo-siann
擾亂阮
jiáu-luān gún
凍心肝
tàng sim-kuann