無情的電話機

14818/《無情的電話機》Bô-tsîng ê Tiān-uē-ki
洪第七Âng Tē-tshit

請你著放袂記
tshiánn lí tio̍h pàng-buē-kì
請你著放袂記
tshiánn lí tio̍h pàng-buē-kì
毋通閣想起
m̄-thang koh siūnn-khí
無情的電話機
bô-tsîng ê tiān-uē-ki
對阮聲聲的表示
tuì gún siann-siann ê piáu-sī
到如今講欲分離
kàu jû-kim kóng bueh hun-lî
叫阮怎樣活落去
kiò gún tsuánn-iūnn ua̍h--lo̍h-khì
電話來相辭
tiān-uē lâi sio-sî
就欲斷情絲
tsiū behtuān tsîng-si
枉費過去好情意
óng-huì kè-khì hó tsîng-ì
想著目屎滴
siūnn-tio̍h ba̍k-sái tih

只有是假情意
tsí-ū sī ké tsîng-ì
只有是假情意
tsí-ū sī ké tsîng-ì
請你免傷悲
tshiánn lí bián siong-pi
無情的電話機
bô-tsîng ê tiān-uē-ki
對阮聲聲的表示
tuì gún siann-siann ê piáu-sī
阮對你真情實意
gún tuì lí tsin-tsîng si̍t- ì
哪通將阮來放離
ná thang tsiong gún lâi pàng-lī
最好哀求你
tsuè-hó ai-kiû lí
轉來阮身邊
tńg -lâi gún sin-pinn
想起熱戀糖甘味
siūnn-khí jia̍t-luân thn̂g-kam bī
不覺心酸悲
put-kak sim sng-pi

看破的咱情意
khuànn-phuà ê lán tsîng-ì
看破的咱情意
khuànn-phuà ê lán tsîng-ì
請你著放離
tshiánn lí tio̍h pàng-lī
無情的電話機
bô-tsîng ê tiān-uē-ki
對阮聲聲的表示
tuì gún siann-siann ê piáu-sī
想起著難忘河邊
siūnn- khí tio̍h lân-bōng hô-pinn
雙人誓約的代誌
siang-lâng sè-iok ê tāi-tsì
真情對待你
tsin-tsîng tuì-thāi lí
已經有一年
í-king ū tsi̍t-nî
無帶念當初情意
bô tài-liām tong-tshoo tsîng-ì
僥雄做你去
hiau-hiông tsuè lí khì