太太交待的話

《太太交代的話》Thài-thài Kau-tāi ê Uē
黃三元N̂g Sam-guân

有一日手提皮箱
ū-tsi̍t-ji̍t tshiú the̍h phuê-siunn
想欲出門的時陣
siūnn-beh tshut-mn̂g ê sî-tsūn
心愛的我的太太
sim-ài ê guá ê thài-thài
行來我的身軀邊
kiânn lâi guá ê sin-khu-pinn
對阮交代話
tuì gún kau-tài uē
交代話
kau-tài uē
叫我出去著愛細膩
kiò guá tshut-khì tio̍h-ài suè-jī
無論啥代誌
bô-lūn siánn tāi-tsì
在外面毋通啉酒
tsāi guā-bīn m̄-thang lim-tsiú
毋通來風流
m̄-thang lâi hong-liû
著愛寫批安慰著
tio̍h-ài siá-phue an-uì tio̍h
厝內的太太
tshù-lāi ê thài-thài

心愛的我的太太
sim-ài ê guá ê thài-thài
想欲對阮表心意
siūnn-beh tuì gún piáu sim-ì
看起來真正歹勢
khuànn--khí-lâi tsin-tsiànn pháinn-sè
來到我的身軀邊
lâi-kàu guá ê sin-khu-pinn
對阮交代話
tuì gún kau-tài uē
交代話
kau-tài uē
叫我出外著愛注意
kiò guá tshut-guā tio̍h-ài tsù-ì
愛情的代志
ài-tsîng ê tāi-tsì
若是有美麗小姐
nā-sī ū bí-lē sió-tsiá
對你來求愛
tuì lí lâi kiû ài
著愛毋通放袂記
tio̍h-ài m̄-thang pàng-bē-kì
厝內的太太
tshù-lāi ê thài-thài

心愛的我的太太
sim-ài ê guá ê thài-thài
送阮送到大門邊
sàng gún sàng kàu tuā-mn̂g pinn
輕聲來對阮講起
khin-siann lâi tuì gún kóng- khí
含著悲傷的目屎
hâm-tio̍h pi-siong ê ba̍k-sái
對阮交代話
tuì gún kau-tài uē
交代話
kau-tài uē
叫我出外著愛拍拼
kiò guá tshut-guā tio̍h-ài phah-piànn
事業的代誌
sū-gia̍p ê tāi-tsì
毋通來為著查某
m̄-thang lâi uī-tio̍h tsa-bóo
一切放袂記
it-tshè pàng-bē-kì
著愛趕緊回故鄉
tio̍h-ài kuánn-kín huê kòo-hiong
一家來團圓
tsi̍t-ke lâi thuân-înn