真愛只有你

作詞：巴布
作曲：蕭蔓萱/傅振輝
男聲：傅振輝

(女)想你想你阮想你看你看你要離開
傷心滲著眼淚流歸暝害阮心痛要恨天
(男)一年一年擱一年一眠一眠痛一暝
命運創治的過去為何當初要離開
(女)夢中猶原甜蜜的相思手中只剩你我的相片
(男)跟妳拆散的月暝飲著苦澀的滋味
(女)夢你今夜返來阮身邊等你總有一日回心轉意
(男)未來怎樣來證明
(合)阮的真愛只有你

《真愛只有你》Tsin-ài Tsí-ū Lí
林姍Lîm Sian
傅振輝Pòo Tsín-hui

(女)
想你想你阮想你
siūnn lí, siūnn lí, gún siūnn lí
看你看你欲離開
khuànn lí, khuànn lí, beh lī- khui
傷心摻著目屎流規暝
siong-sim tsham tio̍h ba̍k-sái lâu kui-mî
害阮心疼欲恨天
hāi gún sim thiànn beh hūn thinn
(男)
一年一年閣一年
tsi̍t nî, tsi̍t nî, koh tsi̍t nî
一暝一暝疼一暝
tsi̍t mî, tsi̍t mî, thiànn tsi̍t mî
命運創治的過去
miā-ūn tshòng-tī ê kuè-khì
為何當初欲離開
uī-hô tong-tshoo beh lī-khui
(女)
夢中猶原甜蜜的相思
bāng-tiong iu-guân tinn-bi̍t ê siunn-si
手中只䞐你我的相片
tshiú-tiong tsí tshun lí guá ê siòng-phìnn
(男)
佮你拆散的月暝
kah lí thiah-suànn ê gue̍h-mî
啉著苦澀的滋味
lim tio̍h khóo-siap ê tsu-bī
(女)
夢你今夜轉來阮身邊
bāng lí kim-iā tńg-lâi gún sin-pinn
等你總有一日回心轉意
tán lí tsóng ū-tsi̍t-ji̍t huê-sim-tsuán-ì
(男)
未來怎樣來證明
bī-lâi tsuánn-iūnn lâi tsìng-bîng
(合)
阮的真愛只有你
gún ê tsin-ài tsí-ū lí