異鄉思情

《異鄉思情》Ī-hiong Su-tsîng
黃三元N̂g Sam-guân

離開故鄉幾千里
lī-khui kòo-hiong kuí-tshian lí
每日唸歌來趁錢
muí-ji̍t liām-kua lâi thàn-tsînn
想著你的好情義
siūnn-tio̍h lí ê hó tsîng-gī
予阮永遠難袂記
hōo gún êng-uán lân buē-kì
心愛的
sim-ài--ê
你我離別是暫時
lí guá lī-pia̍t sī tsiām-sî

異鄉城市月暗暝
ī-hiong siânn-tshī ge̍h-àm-mî
只有孤單怨長暝
tsí-ū koo-tuann uàn tn̂g-mî
想著你的情纏綿
siūnn-tio̍h lí ê tsîng tînn-mî
無疑會來拆分離
bô-gî ē lâi thiah hun-lî
心愛的
sim-ài--ê
你是怎樣過日子
lí sī tsuánn-iūnn kè ji̍t-tsí

看著對面的河邊
khuànn-tio̍h tuì-bīn ê hô-pinn
鳥隻飛來又飛去
tsiáu-tsiah pe lâi iū pe khì
引起阮來思念你
ín-khí gún lâi su-liām lí
心內叫著你名字
sim-lāi kiò tio̍h lí miâ-jī
心愛的
sim-ài--ê
請你等我回鄉里
tshiánn lí tán guá huê hiunn-lí